Dec 30, 2009

Georgian Traditional Confection for New Year - Gozinaki

მეგობრებო დღეს მინდა გასწავლოთ გოზინაყის გაკეთება :)

დამეთანხმებით ახალი წელი გოზინაყის გარეშე წარმოუდგენელია ჩვენთვის ქართველებისათვის, ამიტომ ხალხს ვისაც ბებია, დედა ან და არ გიმზადებთ ამ მშვენიერ ტკბილეულს, გასწავლით თავად როგორ მოამზადოთ :)
წინასწარ მოამზადეთ საცხობი ქაღალდი ან რკინის, თიხის ლანგარი. გადაუსვით ზეთი და მოიდეთ მოსახერხებელ ადგილას :) ასევე დავიმახსოვროთ რომ ნიგოზისა და თაფლის შეფარება უნდა იყოს 5/1

1. პირველ რიგში ავიღოთ ნიგოზი, ან ნუში, ან თხილი ან ყველაფერი ერთად - 300 გრამი :) ეს თხილეულობა დავჭრათ :)

















2
. ავიღოთ ქვაბი, ჩავასხთ შიგნი 60 გრ თაფლი და ვადუღოთ ნელ ცეცხლზე. გვერდით მოვიდოთ ერთი ჭიქა ცივი წყალი და შიგ და შიგ თაფლი ვაწვეთოთ. როცა ცივ წყალში ჩასხმული თაფლი კარგად შეკრული მოგეჩვენებათ, ესეიგი ის მზადაა თხილეულობის ჩასაყრელად. (4-5 წუთი დაბალ ცეცხლზე უნდა ვადუღოთ თაფლი)

















3.
ჩაყრით თხილეულობას ქვაბში და მოურეთ კარგად, დაამატეთ მწიკვი ვანილი, მწიკვი დარიჩინი და ნახევარი კოვზი შაქრის პუდრა. ძაალიან კარგად ურიეთ ნელ ცეცხლზე ასე 2-3 წუთი. შემდეგ გადმოიღეთ წინასწარ მომზადებულ ლანგარზე.

















4.
სველი კოვზით კარგად გადაანაწილეთ მასა ზედაპირზე :)

















5.
დადეთ ცივ ადგილას და დაელოდეთ გაცივებას. შემდეგ დაჭერით რომბებად ან როგოც გინდათ :)
















ხოდა მეგობრებო, აი ასეთი ადვილია გოზინაყის მომზადება :) თუ შეკითხვები გაგიჩნდათ ნუ დამინდობთ და მკითხეთ :)

ასევე არ დაგავიწყდეთ საახალწლოდ ჩურჩხელების დაგემოვნება, ახლა მათი მომზადება უკვე გვიანია, ამიტომ თუ არ გაქვთ ტაკუნებზე იპრწკინეთ, ჩადით მაღაზიაში და იყიდეთ :) ეს ჩურჩხელები ჩემმა მშობლებმა გამომიგზავნეს და ძალიან მიხარია რომ მაქვს საახალწლოდ.


Eng:
Gozinaqi or Gozinaki is a traditional Georgian confection made of caramelized nuts, usually walnuts, fried in honey, and served exclusively on New Year's Eve and Christmas. In the western Georgian provinces of Imereti and Racha, it was sometimes called Churchkhela, a name more commonly applied to walnuts sewn onto a string, dipped in thickened white grape juice and dried. In several of Georgia’s rural areas, both walnuts and honey used to have sacral associations. According to a long established tradition, Gozinaqi is a mandatory component of New Year’s Eve/Christmas celebration.

Dec 29, 2009

Summary post 2009- საახალწლო შემაჯამებელი პოსტი

ახალი წელი სადაცაა მოაკაკუნებს ამიტომ მოვასწრებ და წლის შემაჯამებელ პოსტს დავწერ.

ვერ ვიტყვი რომ ბევრი რამ მოხდა 2009 წლის განმავლობაში მაგრამ შემიძლია თამამად ავღნიშნო რომ კარგი წელი იყო. ბევრი კარგი და შედარებით კარგი ან ცუდი რამეები მოხდა, მათ შორის:
  1. ჩავაბარე უნივერსიტეტში (რიგით მესამე :D )
  2. ვიმოგზაურე ძალიან ბევრი - რომი, ავსტრია - ზალცბურგი და ვენა , უნგრეთი და ბევრი პატარა ქალაქი უნგრეთში და გერმანიაში.
  3. შევიძინეთ მანქანა რომელსაც მალევე საბურავები მოპარეს, მაშინ კი ვინერვიულეთ მაგრამ ახლა ძალიან მეცინება.
რაზე დამწყდა გული?
  1. იმაზე რომ ამ ზაფხულს ვერ წავედი თბილისში
  2. კვლავ და კვლავ უსამსახუროდ ვარ

რას ველი დამდეგი 2010 წლიდან? მინდა ისეთივე კარგი წელი იყოს როგორ 2009 წელი იყო. პლიუს მინდა:

  • რაც ყველაზე მნიშვნელოვანია მინდა რომ ჯანმრთელობის მხრივ სიტუაცია უკეთესი თუ არა იგივე მაინც რომ გვქონდეს :)
  • ვიშოვო სამსახური
  • ზაფხულში თბილისში წასვლა მოვახერხო
  • ნორვეგიაში მოხვედრა და ვეშაპების ნახვა
  • სახლის და ძაღლის ყიდვა თუ მოვახერხეთ ძალიან ბედნიერი ვიქნები, მაგრამ ესა ჩემი სამსახურის დაწყებაზეა დამოკიდებული ამიტომ ჯერ სამსახური დავიწყო :)

ბლოგის შემაჯამებელ პოსტს მოგვიანებით დავწერ, რადგან იანვარში გადის ერთი წელი მას შემდეგ რაც ტოპ.გე ზე დავრეგისტრირდი.

ესეც ესე, აი ასეთი მშვიდი წელი მქონდა, ასეთივე მშვიდი წელი მინდა მწოდეს :)
ველი თქვენს პოსტებს ან აქ ან თქვენს ბლოგებზე :) როგორი წელი იყო 2009 და როგორ წელს ელით 2010?

Eng:
What can I say about 2009? Well, this was a very good year for me. I've started university, traveled a lot -
Rome, Austria -Salzburg and Vienna , Hungary and lot of small cities in Hungary and Germany. We were healthy and were feeling good. What I wanted? I wanted to travel in Georgia and start working. I want to work a lot, but can not find a job :( Generally saying I hope 2010 to be such good as 2009, plus I hope to start working and travel in Georgia and Norway :)

Mailboxes :)

Yes, nowadays everybody has Internet and connection is very good, but there is always a need of Commercial Mailbox in a modern office.

Why do we need mail box at all - u can ask me. Well the answer is - becasue it is easier and more comfortable to control our correspondence, letter, contracts, offers and hundreds of other important things. So now I am asking you - Is it possible that modern offices do not have Commercial Mailboxes? Of course not, becasue they are very important.

Please notice : Participants are paid $20.00 for signing up :)

Dec 28, 2009

”სექსუალური პროფესიების ხუთეული” ა ლა შორენა

ძალიან დიდი ძალისხმევა მჭირდება იმისათვის რომ თავი შევიკავო და არ დავწერო მიწასთან გადასასწორებელი კრიტიკა ამ გადაცემასთაბ დაკავშირებით. თუმცა შეპირებისამებრ ვდებ გადაცემა ”ღამე შორენასთან” ვიდეოებს. სურვილის შემთხვევაში კრიტიკა კომენტარებში დავწეროთ :D

გადაცემის პირველი ნაწილი


გადაცემის მეორე ნაწილი


Eng:
There are videos of one stupid program "Night with Shorena". We do not like it, but still watching it becasue I want to know how it will be changing with time.

Dec 27, 2009

ღამე შორენასთან 2

ვაგრძელებ ჩემი პოსტების წერას გადაცემა ”ღამე შორენასთან” დაკავშირებით.შეგახსენებთ რომ გადაცემა სულ ქორფაა ბოსტნის კიტრივით (რასაც ვერ იტყვი მის წამყვანზე :P)

ჩემ მოსაზრებას პირველი გადაცემის შესახებ შეგიძიათ გაეცნოთ შემდეგ ბმულზე - დაბოლება ქართულად - ღამე შორენასთან, დღეს კი ნება მიბოძეთ ჩემი აზრი დავფიქსირო მეორე გადაცემასთან დაკავშირებით. პირველი გადაცემისაგან განსხვავებით, მეორე გადაცემაში შორენა ძალიან შორს წავიდა, კერძოდ კი გამოჩნდა წამყვანი თემა. ამ შემთვევაში - 5 ყველაზე სექსუალური პროფესია. წამყვანმა მონდომება არ დაიშურა და დაგვენახა სხვადასხვა სექსუალურ ტანსაცმელში - ექთნის, მილიციელის, მასაჟისტის და ა.შ. მოკლეთ მართლა მოინდომა გოგომ, რასაც ნამდვილად ვერ წავართმევთ. შორენა შეეცადა გადაცემის წამყვანი, მსახიობი, რეპორტიორი და ყველაფერი ყოფილიყო. მაგრამ რამდენად კარგად გამოუვიდა ეს ყველაფერი სუუულ სხვა საკითხია :)

ახლა ნება მიბოძეთ მის განადგურებაზე გადავიდე :D :D პირველი და უმთავრესი- გოგო ვერ მუშაობს კამერაზე, კამერა ერთგან იყურება, შორენა სხვაგან. მეორე - წამყვანის მეტყველება - შორენა ცდილობს მისი ხმა ძალიან სექსუალური იყოს, საბოლოოდ კი გამოდის რაღაც საზიზღრობა. მესამე- ტექსტი, როგორ ვერ გამოჩნდა ერთი მადლიანი სცენარისტი რომელიც ნორმალურ ტექსტს დაუწერს? მეოთხე - შორენა არაფერს შუაშია და ჩემი შენიშვნა ოპერატორებს ეხებათ- გრცხვენოდეთ მეგობრებო!! მეხუთე და ჩემი სურვილი - მივმართავ გადაცემის კოლექტივს, იქნებ გაითვალისწინოთ ჩემი შენიშვნები :D :D

Eng:
The post is about one a tv program - Night with Shorena. We were waiting for the day when we could watch it, becasue it seemed to be interesting in Georgian reality, where sex and sexuality is quiet a tabu.
So we were waiting and wondering, what Shorena was going to talk about. Finally we watched the program and it was complete fiasco. There was not a main topic, and it looked like MTV program. During 45 minutes there was 20 minutes of advertisements and 20 minutes of MTV song videos :D left 5 minutes were hello, good bye, sex is not bad, sex is good :D

What the hell, even if Shorena is very pretty and we like to see her, does not mean that we are going to watch this 45 minutes shit next time :)

Dec 26, 2009

საახალწლო სუფრა, ორიგინალური სალათები

ახალი წელი მოდის და ჩვენც შეძლებისდაგვარად ვემზადებით. ვაწყობთ ნაძვის ხეებს, ვყიდულობთ საჩუქრებს, ვგეგმავთ სადღესასწაულო მენიუს. აი ეს უკანასკნელი მგონი ყველაზე რთულია რადგან როგორც წესი სულ ერთიდაიგივე რამეები გვიდევს სუფრაზე. ამიტომ ვიფიქრე რომ კარგი იქნებოდა ამ პოსტის დაწერა, სადაც სალათების ორიგინალურ გაფორმებას შემოგთავაზებთ. ჩვეულებრივი სალათა შეგიძლია გააკეთოთ მაგრამ გავაფორმოთ ორიგინალურად. ესა თვალსაც გაეხარდება, და რაღაც სიახლესაც შემატებს ჩვენს სუფრას.

ეს სურათები ნეტში მონახე, შევაგრვე და ახლა თქვენც გთავაზობთ.შეკითხვების შემთვევაში მომმართეთ და აგიხსნით ყველაფერს :)

1.საახალწლო

4. ბროწეულის სამაჯური
5. შრიმპების სალათი (ჩემი რეცეპტით)
6. ვეფხვუნია :)
იმედი მაქვს რომ ეს სალათები გაალამაზებენ და ორიგინალურობას შესძენენ თქვენს სადრესასწაულო სუფრას :)

Dec 25, 2009

საშობაო ქალაქი და საახალწლო განწყობა

ჩემ ქალაქში ტრადიციაა ასეთი, 23 დეკემბერს ოჯახები მიდიან ჩრდილოეთის ერთ ერთ ყველაზე დიდი გასართობ პარკში - Liseberg. რას აკეთებენ იქა? სვავენ გლინტვეინს, დადიან სპეციალურად გალამაზებულ პარკში, აძლევენ ერთმანეთს საჩუქრებს და უბრალოდ ძალიან კარგად ერთობიან.

ეს სურათები ჩემი გადაღებული არაა, მაგრამ დარწმუნებული ვარ ეს არ შეგილით ხელს იმაში რომ დატკბეთ ამ ლამაზი ”საშჴბაო ქალაქით” წყარო/source

იმაზე კარგი რა უნდა იყოს როცა საშობაოდ თოვლი მოდის :)
ნათურებიანი ხეივანი
ჩვენი ქალაქის ყველაზე დიდი ნაძვის ხე :)

Dec 24, 2009

Christmas Day- ფოტოკოლაჟი

ფოტოკოლაჟი - დღევანდელი დღე :)

1. My Christmas tree, ძალიან სასაცილოა მაგრამ დამეთანხმეთ რომ ძლიან ორიგინალურია :D :D

2. Pink Hyacinthe with amazing smell

3. No idea what :D :D ეს თხები ძალიან ტრადიციული დეკორაციაა შვედეთში, ან წითელი უნდა იყოს, ან რამე წითელი დეკორაცია ქონდეს. (რატომ? არ ვიცი :D )


4. Christmas Dinner, ბევრის გაკეთების თავი არ მქონდა და აზრიც არ ქონდა. ხვალ მაინც ახალი რამე უნდა გავაკეთო.

5. Presents for my family and for me of course :) ჩემი ტოტორო გახარებული შესცქერის შუშუს (მწვანე დრაკონი) მგონი შეყვარებულია ტოტორო :D

6. My personal presents. ჩემი სიიდან მხოლოდ ერთი საჩუქარი მივიღე, მაგრამ ესეც კარგია :D


საბოლოო ჯამში კარგი დღე იყო, რა მაგარია კათოლიკურ შობასაც ავღნიშნავ, მართმადიდებლურსაც, მზად სხვა რელიგიური დღესასწაულებიც ავღნიშნო თუ კაი კაი საჩუქრებს მივიღებ :D :D

Dec 23, 2009

Christmas and New Year - My Wish List

ბევრს არ ვუბოდიალებ და დავწერ საახალწლო- საშობაო საჩუქრებად რა მინდა ყველაზე მეტად.
1. Airline tickets to Georgia ^ö^


2. Member card for a gym or a swimming pool.


3. Some nice products from Body Shop


4. Books of Herta Muller


ხოდა იმედი მაქვს რომ სულ მცირეს მაინც მივიღებ ამ სიიდან.

თქვენ რა გინდათ ყველაზე მეტად? რა საჩუქრებს ელოდებით ახლობლებისაგან და მეგობრებისაგან? თქვენ რის გაჩუქებას აპირებთ? :P :P

Dec 22, 2009

Century Egg - გასინჯავდი?

რამდენი კულტურაც არსებობს, ალბათ იმდენი კულინარიული ტრადიციაცაა, არ დავკონკრეტდები თითოეული ოჯახის კულინარიულ ტრადიცებზე, რომლებიც ძალიან ინდივიდუალურია და მეტ ნაკლებად კულტურული ხასიათიდან გამომდინარეობენ. დღეს მინდა გაგაცნოთ ჩინური დელიკატესი. ჩემი თხოვნა იქნება რომ კრეატიულად მივუდგეთ ამ კერძს და ფუუუუუს გარდა რამე განსხვავებული ვთქვათ :)

შენახული კვერცხი, ასწლოვანი კვერცხი ან ათასწლოვანი კვერცხი ის დელიკატესია, რომელიც ჩინურ სამზარეულოში გამოიყენება სხვადასხვა კერძების მოსამზადებლად. ასწლოვანი კვერცხის მომზადების პრცესი საუკუნოვან ტრადიციას მოიცავს. თვეების განმავლობაში კვერცხი ინახება თიხის, მარილის, ბრინჯის, ნაცარისა და კირის ნაზავში. როცა პროცესი დამტავრებულია, კვერცხს აცილებენ ნაჭუჭს და ამზადებენ ტრადიციულ კერძებს.

კვერცხს ქონია გოგირდისა და ამიაკის სურველი. გემოთი კი კარგად დაძველებულ ყველს გავს თურმე.

გთავაზობთ რამოდენიე სურათს.
1. კვერცხი სპეციალური ნაზავის საფარით.

2. საფარ შემოცლილი კვერცხი, ხედავთ თეთრს კარგად შემონახულ ნაჭუჭს.

3. ჭრილში კარგად ვხედავთ კერცხის კონსისტენციას. :)

4. ერთ ერთი ტრადიცული ჩინური კერძი, რომელიც ასწლოვანი კვერცხითაა მომზადებული

ესეც ესე მეგობრებო, ჩინეთში თუ წავალთ, ჯობია ჯერ კულინარიულ ტრადიცებში გავერკვიოთ და სპეციალური სიტყვები ვისწავლოთ ორემ ვინ იცის რას შევჭამთ ჩვენი უცოდინრობის გამო :)
წყარო: Century Egg

Eng: Preserved egg, hundred-year egg, thousand-year egg or thousand-year-old egg, the Century Egg is a Chinese delicacy used in many traditional dishes. Eggs become Century Eggs after weeks, sometimes months of preservation in a mixture of clay, ash, lime, salt and rice. The process of “cooking” Century Eggs is believed to date back 600 years, when someone apparently found some old eggs preserved in a pool of slaked lime.After the preservation is complete, the hull mixture and egg shell are removed to reveal the now dark-brown egg-white and a dark-green, creamy and pungent yolk. It’s the alkaline that raises the ph of the egg from 9 to 12 or more and gives it a strong smell of ammonia and sulfur.

Sours- Century Egg



Dec 21, 2009

And the Oscar Goes toooooo - ვაჟა VS ნოდიკო

არა, ჯერ არავის გადაეცემა ოსკარი, უფრო მეტიც ოსკარი არ გადაიცემა საერთოდ, დღეს ჯეოსტარზე მინდა დავწერო. დაახლოებით სამთვიანი გულშემატკივრობის შემდეგ როგორც იქნა გაირკვა ფინალისტების ვინაობა.

ვაჟა VS ნოდიკო: ჯეოსტარის მაყურებელმა თავიდანე ვიცოდით რომ ფინალში ნოდიკო ტატიშვილი და ვაჯა მანია გავიდოდნენ. ბევრი სკეპტიკოსი ამბობდა კიდეც რომ რადგან ვაჟა აფხაზეთის სახელით გამოდის, უბრალოდ სხვა რამეს არც უნდა ველოდოთ, რადგან აფხაზეთი ჩვენთვის ძალიან მტკივნეული მომენტია დღეს დღეობით. რაც შეეხება ნოდიკოს, იგი აქამდეც მღეროდა და მეტ ნაკლებად ცნობილი სახე იყო საქართველოს მოსახლეობისათვის, და რაც მთავარია თბილისის სახელით გამოდიოდა, თბილისი კი დიდია მოგეხსენებათ.

ჩემი ფავორიტი: მიუხედავად იმისა რომ ნოდიკო უნაკლოდ ასრულებს თითქმის ყველა სიმღერას, ძალიან მინდა ვაჟამ გაიმარჯვოს. რატომ? მოდით ჯერ დავწერ რატომ არ მინდა ნოდიკოს გამარჯვება. პირველ რიგში მინდა ავღნოშნო რომ რაც არ უნდა დავწერო ქვევით, მინდა ხაზი გავუსვა ნოდიკოს ბგერის სუსუფთავესა და სიმღერის შესრულების მაღალ დონეს, მაგრამ ..... ნოდიკოს სიმღერის სტილი არის აბსოლიტურად ჩვეულებრივი, რომელიც ნებისმიერ მოქალაქეს შეუძლია შეასრულოს, და ასრულებს კიდევაც. დაყენებული დგომა, მანერები, მიმიკები ეს ის მახასიათებლებია რომლების ჩვენი პატივცემული მომღერლების 90% ახასიათებს, და რომელიც უკვე ყელში ამოსულია.

სიახლე მინდა. რომ მითხრათ ერთი სიტყვით დაახასიათე ვაჟაო, ეს სიტყვა უდაოდ იქნებოდა ნიჭიერი. უფრო ვრცლად კი ვაჟაში ვხედავ სიახლეს, ზემოთ აღნიშნული 90% საგან მას აქვს თავისი სტილი, კაი ბაძავს ელ ჯეროს, ცდილობს ყველაფერი გააჯაზოს, მაგრამ ეს იმდენად ახალია ყურისათვის, და სურვეილი ჩნდება იცოდე რისი გაკეთება შეუძლია ამ ბიჭს. გარდა ამისა ვაჟასაგან მოდის ძალიან დადებითი ენერგია, სითბო და არის ქარიზმატული პიროვნება. რას მისცემს მას ამ პროექტში გამარჯვება არ ვიცი, მაგრამ ალბათ მნიშვნელოვანია მისთვის, თორემ არ მიიღებდა მონაწილეობას.

გთავაზობთ ორივე ფინალისტის სიმღერებს :)

ეს ჩემი ფავორიტი სიმღერა მანიას შესრულებით


ესეც სიმღერა ნოდიკოს შესრულებით :) ვფიქრობ ნოდიკო ამ სიმღერას ძალიან კარგად ასრულებს.


Eng:
This is a post about two georgian singers, who participate in a georgian music show - "Geostari" . In a final, we've got two very good spongers - Vaja Mania and Nodiko Tatishvili.
My favorite is Vaja (first video), and I want him to win the competition a lot!

Dec 20, 2009

Video - Night With Shorena

ესეც ესე, რადგან ბევრმა ვერ მოახერხა გაადცემა ”ღამე შორენასთან” ყურება, ვთავზობ პატარა 7 წუთიან ვიდეოს :) ხოდა თქვენ განსაჯეთ როგორია იყო პიონერი სექსის სფეროში :D ისიც თქვენ გადაწყვითეთ რა მომავალი აქვს ამ გადაცემას, და ისიც ღირს ტუ არა ამ გადაცემის ყურება ყოველ შაბათს და ისეთი ”საშინელი” სიტყვის მოსმენა როგორიც სექსია :D

ყოველგვარი რეკლამების და ვიდეო რგოლების გარეშე გადაცმა მხოლოდ 7 წუთი მიმდინარეობს.



Eng:
This is video about new TV program "Night with Shorena" If we take off all advertisements and music videos, we have left 7 minutes to watch :D :D

Dec 19, 2009

დაბოლება ქართულად - ღამე შორენასთან

რამდენი ხანია იმედზე ახალი გადაცემის რეკლამა გადიოდა - ყველაზე სექსუალური, თამამი და ა.შ. ბლა ბლა გადაცემა ქართულ ტელესივრცეში-ღამე შორენასთან. გადაცემის წამყვანი უდაოდ მომხიბლელი და ძალიან სექსუალური ქალი ორენა ბეგაშვილია. ხოდა ბევრი ადამიანი მართლაც რომ მოლოდინში ვიყავით რადგან გვაინტერესებდა რა გამოვიდოდა ამ მართლაც რომ საქართველოსათვის ავანტიურული წამოწყებისაგან, მითუმეტეს როცა გადაცემის რუსული წინაპარი ”Секс с Анфисой Чеховой” ნანახი გვაქვს.

როგორც იქნა მოვიდა სანატრელი შაბათი, შუაღამე, ჩვენც მივუსხედით ტელევიზორებს და დავიწყეთ გადაცემის ყურება. რა ვთქვა გადაცემაზე? ყურებზე დაგვაჭრეს ხახვი? დაგვაბოლეს? თუ უბრალოდ გაგვეკაიფნენ? მოკლეთ პირველი გადაცემა და სრული ფიასკო ასეთია ჩემი შეფასება. რატომ ? იმიტომ რომ: გადაცემას არ გასდევს ერთი თემა, ჯერ სექსუალური რევულუციაო, მერე გადაცემის მაყურებელიო და ა.შ. თავად წამყვანი სექსუალური ქალი შორენა კი კამერაზე ვერ მუშაობს, ან კამერები არ მუშაობენ შორენაზე. გარდა ამისა დამრჩა შთაბეჭდილება რომ ამ ლამაზ გოგოს არაფერი აქვს სათქმელი რადგან გადაცემა ძირითადად აგებულია რამოდენიმე წინადადებაზე რომელთა შორის სხვადასხვა კლიპებია გამოჩხერილნი. აი წარმოიდგინეთ MTV სგადაცემა, სადაც ვიდეო კლიპების თემა სექსია, წამყვანი და ორი ”ჯაან ტაკოი” სტუმარი კი უაზრო კომენტარებს იძლევიან შიგდაშიგ.

მოლოდინი რომ წამყვანი სტრიპტიზს იცეკვებდა არ მქონია, მაგრამ მეგონა რაიმე სერიოზული საუბრები იქნებოდა, რომელიც გაგვანათლებდა ამ სფეროში. რაზეც ყველაზე მეტად ვბრაზდები არის ის რომ, ამ შტერობა გადაცემის ბოლოს წამყვანმა ოდნავადაც არ წაგვახალისა. ამ ოხერს ცოტათი გაეხადა მაინც რომ მომდევნო გადაცემის ყურების სურვილი გაგვჩენოდა :D :D

Eng:
The post is about one new tv program - Night with Shorena. We were waiting for the day when we could watch it, becasue it seemed to be interesting in Georgian reality, where sex and sexuality is quiet a tabu.
So we were waiting and wondering, what Shorena was going to talk about. Finally we watched the program and it was complete fiasco. There was not a main topic, and it looked like MTV program. During 45 minutes there was 20 minutes of advertisements and 20 minutes of MTV song videos :D left 5 minutes were hello, good bye, sex is not bad, sex is good :D

What the hell, even if Shorena is very pretty and we like to see her, does not mean that we are going to watch this 45 minutes shit next time :)



Dec 18, 2009

Stereotype Victims - ჩვენ ყველა სტერეოტიპების მსხვერპლნი ვართ!

ჩვენ ყველა სტერეოტიპების მსხვერპლნი ვართ!

მოდით ერთ ძალიან ფართოდ გავრცელებულ სტანდარტზე ვიმსჯელოთ - წონაზე. ყოველდღიურად გვატენიან უამრავ იმფორმაციას რომ ლამაზი ქალი არის გამხდარი ქალი. ჟურნალების გარეკანზე, ტელევიზიით, გაზეთებით ვხედავთ მხოლოდ გაჩხინკულ ქალებს რომლებიც ითველებიან წარმატებისა და სილამაზის ეტალონებად. არაა გასაკვირი რომ თინეიჯერები ცდილობენ მათთან მიმსგავსებას, რომ თავს იკლავენ დიეტებით იმის შიშიტ რომ კლასში ვინმე დასცინებთ წონის გამო, ბევრი ანორექსიკიც კი ხდება. ისინი ვინც ცოტა მძიმე წონიანები არიან კომპენსაციას ტანსაცმლით და სამკაულით ახდენენ.

გამოვდივართ თინეიჯერობის ასაკიდან, ვითომ ვთვლით თავს ზრდასრულ, ჩამოყალიბებულ ადამიანებად და რას ვაკეთებთ? ვცდილობთ დიეტობას და ვარჯიშს იმიტომ რომ გვინდა ვიყოთ გამხდრები და არა იმიტომ რომ ჯანსაღი კვება და ვარჯიში სასარგებლოა ორგანიზმისათვის. როცა ვინმე ცნობილი ადამიანი, რომელიც წარმატებისა და სილამაზის ეტალონად ითვლებოდა ცოტა წონაში მოიმატებს კრიტიკის ქარ ცეცხლში ვატარებთ.

ჩემი პოზიცია ძალიან მყარია ამ შემთხვევაში. მე თუ ვთვლი თავს მსუქანად, თუ ვიკლავ თავს ვარჯიშით და დიეტით მხოლოდ იმიტომ რომ იმ დასაწვავ სტანდარტს მივუახლოვდე - ჩემი ტვინის ტარაკანებზე მიუთითებს, მაგრამ რა ჩვენი საქმეა სხვა რამდენს იწონის?

Eng:
Stereotypes - drive our lives, make us sad or happy. Sad when we are not in, and happy when we are just as it supposed to be. Today I write about - "Beautiful Women". Such woman be tall, slim, with long legs, sexy bubs and blond hair. But how many women do u know who sits in such description of beauty? Every day, we are being bombed by TV, journals and news papers with anorexic women on the cover pages. Being slim is good, being fat is bad. What the fuck?

Dec 17, 2009

Chinese - is killing me!

არ ვიცი გახსოვთ თუ არა, ადრე ვწერდი რომ ჩინურის სწავლას ვაპირებდი. ამის შემდეგ შევეპარე ენას და უნივერსიტეტში აპლიკაციაც გავაგზავნე, მაგრამ არ მიმიღეს. ხოდა მათზე გულაცრუებულმა თავად დავიწყე ენის ”შესწავლა”.

ჯერ იეროგლიფებს შევეპარე, მინდა გითხრათ რომ თვითონ ფიგურის დამახსოვრება არ გამიჭირდა, მაგრამ ძაალიან გამიჭირდა მათი დაწერა რომელიც გარკვეულ თანმიმდევრობას საჭიროებდა. იოროგლიფებზე გულაცრუებულმა ჩამოვქაჩე აუდიო გაკვეთილები და დავიწყე მათი მოსმენა და აიიიიი აქ დაიწყო რაც დაიწყო :(. ჩემი ყველა მცდელობა გამემეორებინა ერთი მარცვალიც კი უშედეგო გამოდგა. უბრალოდ ვერ ვიმეორებ იმას რასაც ვისმენ :(. ყრუ ვართქო ვერ ვიტყვი, იმიტომ რომ შემიძლია სიმღერა :D მაგრამ ჩინურს რაც შეეხება აშკარად სპილოების ჯოგმა გადამირბინა ყურებზე, ყველაფერ სიკეთესთან ერთად ენაც მომაჭრა ვიღაცამ :D. როცა დიალოგებს ვუსმენ, ვიცი რასაც საუბრობენ, თითოეული სიტყვა რომ გამიმეოროს ვინმე ჩინურის მცოდნემ, გავიგებ რას ამბობს მაგრამ თავად მე ვერ ვამბობ ერთ სიტყვასაც კი გამარჯობის გარდა.

ვხვდები რომ მასწავლებლის გარეშე ჩემი ყველა მცდელობა იქნება უშედეგო, მაგრამ არ მინდა დავნებდე. ამიტომ დღის წესრიგში დგას საკითხი: დავნებდე და კიდევ ვცადო უნივერსიტეტში აპლიკაციის გაგზავნა, სანამ მიმიღებენ კი რამე შედარებით ადვილი ენა ვისწავლო თუ მივაწვე ჩინურს ბოლომდე?

Eng:
Chinese is the language what I want to learn a lot. I have even applied to university but they have not accepted me, so I've started learning the language myself. First I was studying one word - one character per day, but I found this very difficult becasue a single character is written in a very special way. I became very disappointed and gave up. After my failure in written language, I have downloaded audio lessons and Have started listening to them. :( I wish I have not done this, my self-confidence has gone somewhere to underground, becasue I can not say s single word Chinese.

So now I have to decide what to do! I know that learning this language without a teacher is impossible, so maybe it is better to apply again, and again until I am accepted? Maybe it is better to learn something easier like Norwegian or Italian? What do u think?

Dec 16, 2009

Important Post or საჭირო პოსტი - II

ვაგრძელებ სტუდენტებისათვის სასარგებლო პოსტების წერას, პირველი პოსტი ნახეთ აქა - საჭირო პოსტი. ხოდა ამ პოსტში IMRAD სისტემაზე მინდა დავწერო. ესაა ძალიან ადვილი სისტემა რომელიც ადვილად დასამახსოვრებელია, და რაც მთავარია ადვილია რომ მისდიო.

მოდით დავიწყოთ თავიდან:
  1. Introduction - იგივეა რაც შესავალი
  2. Method - მეთოდი, ანუ რა მეთოდი გამოიყენეთ საკურსოს წერისას
  3. Results- რეზულტატი
  4. (And)
  5. Discussion - დისკუსია, მსჯელობა.
1.Introduction - შესავალი: ძალიან მნიშვნელოვანი ნაწილია ნებისმიერი ნაშრომისათვის. ამ ნაწილში როგორც წესი ვწერთ იმას თუ 1. რატომ ავირჩიეთ ის თემა რაზეც ვწერთ. 2. მიმოხილვა: ვწერთ ჩვენს მიერ არჩეული საგნის ისტორიულ მიმოხილვას იგივეა რაც Background. 3. რა წარმოადგენს ჩვენი ნაშრომის მიზანს?

2. Method - მეთოდი: ასევე ერთი ერთი უმნიშვნელოვანესი ნაწილი ნაშრომში. ამ ნაწილში ვწერთ: . სად ვეძიეთ ინფორმაცია. ბ. რა საძიებო სიტყვები გამოვიყენეთ. . როგორ გავაკეთეთ არჩევანი. მიზანი ასე დაწვრილებით დაწერისა არის ის რომ - თავი დავიზღვიოთ პლაგიაზმისაგან და ვინმეს თუ გაუჩნდება სურვილი მოიძიოს სტატიები და წიგნები.

3. Results- რეზულტატი: თემის მიზნისაგან გამომდინარე, ვწერთ რა შედეგები მივიღეთ და სათითაოდ ვპასუხებთ ჩვენს მიერ დასმულ შეკითვებს.

5. Discussion - დისკუსია, მსჯელობა: ვმსჯელობთ კვლების მეთოდზე, რეზულტატზე, და ძააალიან კარგი იქნება თუ ჩვენს წინადადებებსაც დავწერთ.

ლიტერატურის სია - ამის შესახებ ჩემ მომდევნო პოსტში დავწერ.

გაფორმება:ძაააალიან კარგია თუ თქვენს ნაშრომს გააფორმებთ სხვადასხვა ცხრილებით და სხვადასხვა სურათებით რომლებიც შეესაბამება თქვენს თემას.

Eng:
This is a post about a paper writing. This is very easy if you have in your head IMRAD system - Introduction, Method, Result, (And), Discussion. Do not forget to to write references.

Dec 15, 2009

Zimbardo's Stanford Prison Experiment

როგორ იქცევიან სრულიად ჯანსაღი ადამიანები მოძალადეებად? რა როლს თამაშობს ჩვენზე სიტუაცია, როლები, წესები და გინდაც უნიფეორმები? ძალიან საინტერესო ექპერიმენტი რომლის დააინტერესებს ყველას ვინც დაინტერესებულია ადამიანის ქცევით და მისი ახსნით.

ნაწილი 1.


ნაწილი 2.


ნაწილი 3.


ნაწილი 4.


ნაწილი 5.


ნაწილი 6.

Dec 14, 2009

გავსკდი ტირილით

ამ საღამოს იმდენი ვიტირე რაც ალბათ ბოლო ორი წლის განმავლობაში არ მიტირია. მიზეზი კი ისტორიაა რომელიც მოგვითხრობს სამხრეთ პოლუსზე სრულიად მარტო დარჩენილი ძაღლების შესახებ.

ფილმსა სახელად ქვია Bellow Eight და სიმართლე გითხრათ ვფიქრობ რომ სენტიმენტალურმა ადამიანებმა არ უნდა უყუროთ, თორემ იქნებით ჩემსავით თვალებდაწითლებულნი და გულაჩუყებულნი. დანარჩენბეს კი გირჩევთ ყურებას, ჩვეულებრივი ფილმია ერთი შეხედვით, მაგრამ ძაღლების მოყვარულებს ნამდვილად მოგეწონებათ და რაც მთავარია კიდევ ერთელ დარწმუნებდებით რა შესანიშნავი ცხოველია ძაღლი!

Eng:
I have cried my eyes out and the reason is a film - Bellow Eight. The film's plot is nothing special but still it worth to be watched.

Dec 13, 2009

Thoughts - ზოგადად ფიქრები

რა არის ძალიან ძნელი იცით? კარზე რომ არის მომდგარი არდადეგები და შენ მაინც სასწავლი რომ გაქვს! უბრალოდ ვერ უდებ გულს ვერაფერს და ფიქრობ მხოლოდ არდადეგებზე, განსაკუთრებით კი ზამთრის არდადეგებზე როცა ამდენი დღესასწაული ემთხვევა.

სულ ერთი სემინარიღა დამრჩა, მაგრამ ფაქტია ვერაფრით ვერ ჩავუჯექი. მიუხედავად იმისა რომ თემა ძალიან კარგია, საინტერესო უბრალოდ ვერ ვაძაალებ ჩემ თავს დავჯდე, წავიკითხო და ვისწავლო. სამაგიეროდ დავდივარ სახლში უაზროდ, ვჭამ და ვსვავ უაზროდ ბევრს :(, წარმოიდგინეთ ტელევიზორის ყურებაც კი დავიწყე. ყველაფერს ვაკეთებ იმისათვის რომ ჩემი სიზარმაცე გავამართლო. ვფიქრობ მომავალ საჩუქრებზე, საშობაო- საახალწლო სუფრაზე და მოკლეთ ყველაფერზე სემინარის გარდა. ვფიქობ საშობაო სუფრა ასე მოვრთო, ივარგებს ვითომ?
უი, არ დამიწერია აქამდე. კიდევ ერთი ახალი ”სათამაშო” მაქვს. :ჵ :ჵ ეს ჰულა ჰუპი ალბათ იცანით, მეორე ლურჯი ”სათამაშო” ჩემ ქმარს მისცეს სამსახურში. რათქმაუნდა ეგრევე მივისაკუთრე და უკვე მოვსინჯე კიდეც ვარჯიში. მინდა გითხრათ რომ ძააალიან მოსაწყენია :(
როგორ ვიპოვო ჩემ თავში მოტივაცია რომ ვისწავლო ეს უბედური სემინარი და კიდევ რომ არარ ვჭამო ექვსი საათის მერე? :( რომ ყოველ დილას ავდგე 8 საათზე და ვივარჯიშო მინიმუმი 30 წუთი მაინც?

Eng:
One week and one more seminar is left, but I do not want to study. I do not have a motivation, and instead I think about Christmas, New year, nice food and drink etc. I have even started watching TV :( so I pretend myself to be busy :( I eat a lot, whole days I just eat, can u imagine? :( Fortunately few days ago I've got this nice ball, so I can do some exercises + do but I am soo lazyyy :( like a lazy cat on a window :(
I need motivation, but do not know from where to get it :(

შეკითხვა

ყველგან ერთიდაიგივე რამეებზე წერენ და მსჯელობენ, თუ მე დავკარგე სიახლის აღქმის უნარი?



Dec 12, 2009

Lucia - ანუ სინათლის დღესასწაული სკანდინავიელებისათვის

რადგანაც დღეს ლუსია თენდება, გადავწყვიტე ამ პოსტის ამოწევა, იმ ადამიანებისათვის ვინც არ იცის რას წარმოადგენს ეს ძალიან მნიშვნელოვანი დღესასწაული სკანდინავიელებისათვის.

Lucia.
სახელი ლუსია -ს მოდის იტალიური სახელიდან ლუჩი და ნიშნავს ”სინათლეს. შვედები ამ დღისათათვის განსაკუთრებით ემზადებიან. სკოლებში და სხვადასხვა დაწესებულებებში ირჩევენ ერთ გოგონას რომელიც პირობითად არის ლუსია. გოგონა შემოსილია თეთრ კაბაში და თავზე ადგას სანთლებისაგან გაკეთებული გვირგვინი . გოგონას ასევე ხელში უჭირავს ანთებული სანთელი (ყოველთვის არა) - სიმბოლოა ციდან გარდმოსული სული წმინდისა, რომელმაც წმინდა ლუსიას სული წაიყვანა ცაში როცა მას სიკვდილით სჯიდნენ კოცონზე. პროცესში ასევე მონაწილეობას ღებულობენ ბიჭუნებიც , რომლებიც ასევე თთრ სამოსში არაინ შემოსილნი და სხვადასხვა ბიბლიური პერსონაჟების როლს თამაშობენ.

როგორც წესი პროცესიის დროს ჯგუფი მღერის სხვადასხვა სიმღერებს . ისეთებს როგორებიცაა სანტა ლუჩია, სტეფან , და ა.შ.

ლუსიის დღისათვის მზადდდება სპეციალური საკვები. რადგან ლუსია სინათლის დღესასწაულია ,ამიტომ სასურველია თუ ხალხი მოამზადებს ან იყიდის შაფრანის პურს, მზესავით ყვითელს (ან Lussebullar) ასევე მზადდება სუნელებიანი პეჩენიები შვედურად pepparkaka. ხალხი წვიმებით და ბრჭყვიალა ნივთებით მორთული გადის გარეთ, ულოცავს ერთმანეთს ამ დღესასწაულს. არიგებს ტკბილეულს და სვავს აუცილებელ სასმელ გლინტვეინს :) სახეწიფო დონეზე 13 დეკემბერს დილით არის სპეციალური გადაცემა ლუსიის დღისადმი მიძღვნილი. საღამოთი კი სპეციალური კონცერტი იმართება :)
ქვევით დავდებ რამოდენიმე სურათს :) ისიამოვნეთ :)
1. ლუსია , გვირგვინით თავზე

2. შაფრანის პური (დღეს თავად გამოვაცხვე) შარშანდელი სურათი :)

3. წელს გამომცხვარი შაფრანის ნამცხვრები იგივე ლუსიკეტები. არ გამომივიდნენ ლამაზები :(

3. Pepparkaka

Eng: (from Wikipedia)
In Sweden, Denmark, Estonia, Norway, and Finland, Lucy (called Lucia) it is venerated on December 13 in a ceremony where a girl is elected to portray Lucia. Wearing a white gown with a red sash and a crown of candles on her head, she walks at the head of a procession of women, each holding a candle. The candles symbolize the fire that refused to take St. Lucia's life when she was sentenced to be burned. The women sing a Lucia song while entering the room, to the melody of the traditional Neapolitan song Santa Lucia; the Italian lyrics describe the view from Santa Lucia in Naples, the various Scandinavian lyrics are fashioned for the occasion, describing the light with which Lucia overcomes the darkness. Each Scandinavian country has lyrics in their native tongues. After finishing this song, the procession sings Christmas carols or more songs about Lucia. A similar version occurs in Scandinavian communities and churches in the United States.

Dec 11, 2009

Snow Effect for Our Blogs - თოვლიიი მოსულააააა :)

ზამთარი და თოვლი ერთმანეთისგან რამ გაყო, ხოდა მოდით ჩვენ ბლოგებზეც მოვიყვანოთ თოვლი. ამისთვის სულ მარტივი პროცედურებია გასაკეთებელი და საფეხურებით აგიხსნით რა და როგორ გავაკეთოთ :)
1. დავაკოპიროთ შემდეგი კოდი. კოდს მოაცილეთ ლურჯი*
<*script src="http://snow-effect.googlecode.com/files/snow.js" type="text/javascript">

/***********************************************
* Snow Effect without images-by Kurt Grigg at
http://www.btinternet.com/~kurt.grigg/javascript
* Script featured & available at Dynamic Drive at
http://www.dynamicdrive.com/
* Please keep this notice intact
***********************************************/

<
*/script>

2. შევდივართ Layout => Add Gadget => HTML/JavaScript
3. ჩავსვათ მონიშნული კოდი და შევინახოთ. არ დაგავიწყდეთ ლურჯი* მოცილება


სულ ესაა და ეს, აი ასე ამრტივად შეგიძიათ თოვლის მოყვანა ბლოგზე. ჩემ ბლოგზე ვერ ადვსვი რადგან პატარა ფანტელი არ ჩანს კარგად ისედაც მკრთალ ფონზე.

პოსტი გადმოვთარგმნე აი ამ საიტიდან.

Eng:
Do u want a snow effect on your blog? Than read this post.
Everything is very easy to do so let's start :)
1. Copy the HTML code (take off blue *)
<*script src="http://snow-effect.googlecode.com/files/snow.js" type="text/javascript">

/***********************************************
* Snow Effect without images-by Kurt Grigg at
http://www.btinternet.com/~kurt.grigg/javascript
* Script featured & available at Dynamic Drive at
http://www.dynamicdrive.com/
* Please keep this notice intact
***********************************************/

<
*/script>
2. Go to - Layout => Add Gadget => HTML/JavaScript
3. Past the code and save! Do not forget to take off *

Post was written with help of this tutorial

Dec 9, 2009

საჭირო პოსტი!!

საკურსოების წერის დრო მივიდა და გადავწყვიტე ამ პოსტის დაწერა. რატომ ახლა? იმიტომ რომ სტუდენტების ამბავი რომ ვიცი ყველაფერი ბოლო წუთამდე მიგვყავს და შესაბამისად ადრე რომ დამეწერა აზრი არ ექნებოდა, ახლა კი აქტუალურია ეს თემა ასე მგონია.

ეს პოსტი ძალიან გამოადგება იმ სტუდენტებს რომლებიც სწავლობენ მედიცინას, ფსიქოლოგიას, Behavioral Sciences და ა.შ. (ბოდიშით ქართულად არ ვიცი ეს ტერმინი როგორ ითარგმნება) მოკლეთ აბა დავიწყოთ!

1. თემის არჩევა: პირველ რიგში სასურველია რაიმე აქტუალური თემის არჩევა, რომელიც ამავდროულად საინტერესო იქნება ჩვენთვის. აუცილებლად ვათანხმებთ თემას ხემძღვანელთან.

2. საკურსოს ”აწყობის” რამოდენიმე ხერხი არსებობს. გააჩნია რამდენი დრო გვაქვს დარჩენილი. შეგვიძლია გავაკეთოთ ლიტერატურის მიმოხილვა თემის გარშემო, ჩავატაროთ პატარა გამოკვლევა და ა.შ. თუ ცოტა დრო გვაქვთ ჯობია მხოლოდ ლიტერატურის ჯერძოდ კი მეცნიერული სტატიების გამოყენება.

3. სად ვეძიოთ მეცნიერული სტატიები? პირველ რიგში ისეთ შესანიშნავ პორტალზე როგორიცაა PubMed. ასეთი კარგი ბაზა მართლა არ შემხვედრია. აბა ნახეთ, რა უნდა იყოს იმაზე უკეთესი როცა სტატიის მოძებნა შეგვიძლია ავტორის, თავისუფალი სიტყვბის, წლების, სქესის, ენის და ა.შ. მიხედვით?

არ დაგვავიწყდეს - შევარჩიოთ სტატიები რომელთა სრული ტექსტია ხელმისაწვდომი, სხვა შემთხვევაში ფული უნდა გადავიხადოთ სტატიის წასაკითხად.

4. ცოტა და ხარისხიანი: მას შემდეგ რაც წავიკითხეთ სტატიების აბსტრაქტები, ამოვირჩიოთ რამოდენიმე საუკეთესო რომლებიც ჩვენს მიერ დასმულ შეკითხვას და კვლევის მიზანს საუკეთესოდ პასუხობს. გავითვალისწინოთ რომ 10 სტატიიდან შემაჯამებელი ერთი ნაშრომის დაწერა უფრო ძნელია ვიდრე 5 სტატიისაგან. გარდა ამისა, საუკეთესოა თუ ჩვენს სტატიებში რევიუს მაგვარ სტატიებსაც შევურევთ, რადგან იქა როგორც წესი უკვე არსებული კვლევების კარგ შეჯამებას აკეთებენ.

5. საკურსოს ჩონჩხი. ნებისმიერი საკურსო უნდა პასუხობდეს სტრუქტურას IMRAD + References. რას ნიშნავს IMRAD?
  • Introduction - იგივეა რაც შესავალი
  • Method - მეთოდი, ანუ რა მეთოდი გამოიყენეთ საკურსოს წერისას
  • Results- რეზულტატი
  • (And)
  • Discussion - დისკუსია, მსჯელობა.
IMRAD- სისტემას ჩემ მომდევნო პოსტში მივუბრუნდები და დაწვრილებით აგიხსნით რა და როგორ კეთდება. რაც შეეხება გამოყენებული ლიტერატურის სიას, მედიცინაში როგორც წესი ვანკუვერის მეთოდით ხდება რეფერენსების დაწერაა. ამასაც მომდევნო პოსტში აგიხსნით როგორ კეთდება.

ძალიან დიდი იმედი მაქვს რომ ეს პოტი გამოგადგებათ! თუ რამე შეკითხვა გაგიჩნდათ, ან დახმარება დაგჭირდათ დამიკავშირდით და ერთად გადავჭრათ პრობლემა :)

Eng:
This post is for students. I am explaining how to write referrals and rapports. There are some rule one mast follow during writing. F.ex IMRAD system. We can use articles for our works, these articles can be easily found at PubMed. There are different options we can use for our papers. We can chose an year, writer, gender, etc. If u are interested in these questions, do not hesitate and write your question in the comments. I will try my best to give an answer. :) Good luck!

Dec 8, 2009

ნაციონალიზმი თუ უბრალოდ საკუთარი ენის სიყვარული?

ქართველები რომ ძალიან კეთილი ხალხი ვართ უკვე ყველამ ვიცით, ისიც ვიცით რომ საქართველოში დაბადებული სომხები, რუსები, აზერები თუ სხვა ეროვნების წარმომადგენლები ისე ატარებენ თავის ცხოვრებას ერთ სიტყვარს არ სწავლობენ ქართულად. ჩვენც მათი კეთილის მსურველები ძალიან ბედნიერი სახით ვესაუბრებით რუსულად. ეგ კი არა აგერ სხვა ენებზეც კი ჩატარდება ერთიანი ეროვნული გამოცდები.

წუხელ გარკვეული მიზეზების გამო, მთელი ღამე ფორუმზე ვცდილობდი გართობას, ხოდა რამონიმე თემაში წავაწყდი სიტუაციას როცა ვიღაც ქართული ენის ”ვერ” მცოდნე წერდა რუსულად, ჩვენმა იუზერებმაც არ დააყოვნეს და გააგრძელეს რუსულად წერა. სიმართლე გითხრათ ამაზე ძალიან გავბრაზდი. რატომ? მგონი კარგად ხვდებით რატომაც.

ახლა მითხარით თქვენს კეძო შემთხვევაში ენის არ ცოდნის შემთხვევაში, რამდენჯერ დაგელაპარაკათ ვინმე უცხოეთში თქვენს მშობლიურ ენაზე? ასე ძალიან რომ გვინდა შვედეთს და ევროპას დავემსგავსოთ, რას აკეთებენ ესენი? პირველ რიგში თავის ენას უფრთხილდებიან. აბა გააკეთე რამე თუ კაცი ხარ ენის ცოდნის გარეშე? ვერაფერსაც ვერ გააკეთებ იმიტომ რომ ენა არის პირველი და ყველაზე მნიშვნელოვანი მომენტი ქვეყანაში! ჩვენ კიდე ქართველებს რა მოგვდის? თუ პატრიოტიზმი მხოლოს ხმამაღალი სიტყვების ძახილით გამოიხტება?

მე მომიტევეთ აღელვებულ ვარ.

პ.ს.ძალიან გთხოვთ გაითვალისწინოთ რომ ტურისტებზე არ მაქვს საუბარი, არამედ ადგილობრივ მცხოვრებლებზე.

დავრეკო თუ დაველოდო?

კუჭზე გამჭვალა. ძლივს ავდექი საწოლიდან, გამოვლასლასდი მეორე ოთახში და დავჯექი სკამზე, მუმიფიცირებული ინდიელის პოზაში. ვერ გდამიწყვეტია რა ვქნა- დაველოდო სანამ გადამივლის თუ დავრეკო სასწრაფოში.

უბრალოდ ვერ ვიმართები ისე მტკივა კუჭი

Dec 7, 2009

როგორ დავაყენოთ ქართული შრიფტი კომპიუტერზე?

ესეიგი საკითხი არის ასეთი: როგორ დავაყენოთ ქართული შრიფტი კომპიუტერზე? მე გეტყვით რომ ეს არის ძალიან ადვილი და შევეცდები აგიხსნათ როგორ ჩავატაროთ ეს მარტივი პროცედურა.

ესეგი ვაკეთებთ ასე:
1.Start menu => control panel => regional and language options.

2. ვხსნით პროგრამას regional and language options და ვირჩევთ languages. აუცილებლად მიაქციეთ ყურადღება 1. ორივე ფანჯარაში ჩასვით პტიჩკა, შემდეგ კი დააჭირეთ ღილაკს 2. details.

3. გახისნება ფანჯარა, იქ აირჩევთ Add, შემდეგ კვლავ პატარა ფანჯარა გამოჩნდება, სადაც პირველ გრაფაში აირჩევთ ინგლისურ ან იმ კლავიატურას, რომელ ენაზეც გიადვილდებათ ბეჭდვა (ზოგი რუსულზე ბეჭდავს და, შესაბამისად, ქართულ ანბანს რუსულ კლავიატურას აბამს), მეორე ფანჯარაში კი აირჩევთ ქართულს ისე როგორც სურათზეა მოცემული. არ დაგავიწყდეთ OK ღილაკის გამოყენება :)


სულ ესაა და, იმედია, გასაგებად დავწერე ყველაფერი, თუ ვერ დააყენეთ შრიფტი ამ ტუტორიალის მიხედვით, მაშინ კომენტარებში დაწერეთ, რა იყო პრობლემა და იქნებ ერთად გამოვასწოროთ :)

Eng:
This post is about the language input in our computers. As u see, I have taken the pictures, and based on these picture you can set different languages in your PC. This is easy and very comfortable in use.

Dec 6, 2009

Rolling Stones = ნავთობის წარმოება

რას ფიქრობთ რა კავშირია როკ მუსიკასა და ნავთობის წარმოებას შორის? ბევრი სკეპტიკოსი იტყვის რომ არანაირი, ადამიანები კი რომლებიც ცოტა ახლოს არიან სტატისტიკასთან, იტყვიან რომ ორ და მეტ მოვლენას შორის კავშირი ყოველთვის არსებობს. გინდ დადებითი გინდაც უარყოფითი!

ხოდა ამ შემთხვევაში ჩვენ ვხედავთ დადებით კავშირს Rolling Stones - ის სიმღერებსა და ნავთობის წარმოებას შორის.